Lirik Lagu Saleum Untuk Zikir Maulid Nabi

Salam a’alaikum bak phoen kamoe grak

Diateuh talak jaroe bandua

Jaroe meutindeh habeh sigoe grak

Hana meupihak gasin ngen kaya

            Horeumat takzim karim dua krak

            Kepada bapak ngen panitia

            Tamumat jaroe dudoe hai bapak

Hanjeut kamoe jak zikir kamula

Kitab barzanji meukheun dua krak

Sinan hai bapak neu peuphoem makna

Kunjong meungunjong nabi neuyue jak

Meunyoe meutulak putoh saudara

            Dalam iseulam syit kameunan hak

            Tanyoe geuyue jak sambong saudara

            Bak mauloed nabi geuyue seumarak

            Beuthat dua krak tabaca do’a

Hate teumakot teu-ot meugrak-grak

Kamoe hantoem jak teubiet ulua

Lantaran kenoe undangan bapak

Meunyoe meutulak putoeh saudara

            Oh noe mumada saleum dua krak

            Bak kamoe yang jak - jak baca do’a

            Kadang nasalah eunteuk hai bapak

            Bek roeh neutimplak meunyoe na cupa

oooO0Oooo

Share Share Tweet Share Share Share

KLIK

DONASI VIA PAYPAL Bantu berikan donasi jika artikelnya dirasa bermanfaat. Donasi akan digunakan untuk memperpanjang domain https://soundeffectsfree.blogspot.com/. Terima kasih.